Saaffiup atuunneranut ilisimatitsissut

Matumuuna nalunaarutigineqassaaq nuna tamakkerlugu meeqqat inuusuttullu 0-18 ukiullit kinguaassiuutitigut atornerlunneqarsimasunut sullissivik Saaffik aaqqisuusseqqinnerup kingorna Qitiusumik Siunnersuisarfiup ataanut inissinneqarmat 1. august 2015 aallarnerfigalugu. Nalilersuereernerup kingorna Qitiusumik Siunnersuisarfimmut akulerutsinneqarnerani Saaffiup suliassai siunertaalu allanngortinneqarput. Maannakkumiit ukiunilu aggersuni, Saaffik tunngaviusumik suliniuteqalerpoq sinerissami Ilaqutariit illuini nukittorsaassalluni kinguaassiutitigut atornerlunneqarsimanermut sulianut tunngatillugu.

Tamanna isumaqarpoq misissuinissat imaluunniit oqaloqatiginnittarnerit innersuussinerillu Saaffimmi unitsinneqassasut, taamaakkaluartoq meeqqat massakkut Saaffimmi oqaloqatigine-qartartut naammasinissaata tungaanut ingerlanneqassapput. Qitiusumik Siunnersuisarfiup isumasioqatigiinissamut qaaqqusisarsimanertik ataqatigiissaarisarner-tillu unitsissavaat ,tamannalu akisussaaffik Kommuninut tunniuteqqinneqassalluni.

Qitiusumik Siunnersuisarfik ukioq kingulleq nuna tamakkerlugu angalaqatigiittartunik (rejsehold) pilersitsivoq meeqqat inuusuttullu kinguaassiutitigut atornerlunneqarsimasut katsorsarneqarnissaat suliniutigalugu. Maannamullu illoqarfinni pingasuni meeqqat inuusuttullu katsorsarneqarlutik.

Saaffiup sullissisunut neqerooruteqartarnini ingerlatiinnassavai tassalu siunnersuineq ilitsersuineq oqaloqateqartarnerlu.

Siunissami anguniakkat amerlapput, qilanaaraarpullu suleqatigiinnissaq, suliniutigullu meeqqat inuusuttullu kinguaassiutitigut atornerlunneqarsimasut pillugit Kommunit peqatigalugit anguniassavarput. Saaffiup nalilersorneqarnera iliuuserisassamullu pilersaarusiaq atuarneqarsinnaavoq nittartakkatsinni www.siunnersuisarfik.gl aammalu www.saaffik.gl

 

Inussiarnersumik inuulluaqqusillunga Qitiusumik Siunnersuisarfik sinnerlugu

Arnajaraq Poulsen
Centerleder

thumbnailSaaffik-iup Nalilersornera (DA)
thumbnailIliuuserisassatut pilersaarusiaq (DA)
thumbnailSaaffik-iup Nalilersornera (GRL)
thumbnailIliuuserisassatut Pilersaarusiaq - Saaffik (GRL)

Meeqqanut Inuusuttuaqqanullu

Kinguaassiutitigut killissamik qaangiiffigineqarnikuuviit imaluunniit nalunngisaqarpiit killissamik qaangiiffigineqarsimasumik? 0- 18-nillu akornanni …

Atuaruk...

Atuaruk...

Ilinniarsimasunut

Meeqqat inuusuttuaqqallu atugarissaarnissaat tamatta akisussaaffigaarput. Kalaallit Nunaanni kisitsisitigut nalunaarsuinerit takutippaat nukappiaqqat …

Atuaruk...
Login