Kikkut kinguaassiutitigut nakuuserfigineqartarpat?

Kinguaassiutitigut nakuuserfigineqarnerit inuiaqatigiit iluini sumiluunniit pisarput. Tamanna isumaqarpoq, kinguaassiutitigut nakuuserfigineqarnerit ilaqutariinni nukissaqarluartuni ilaqutariinniluunni atugarliornerusuni pisinnaasarmata.

Pissutsilli assigiinngitsut pisuullutik meeqqat inuusuttuaqqallu ilaat kinguaassiutitigut nakuuserfigineqarnissaminnik navianartorsiornerusarput, soorlu ilaqutariinni aangaajaarniutinik atornerluisuni imaluunniit ilaqutaariinni inersimasut akornanni nakuusernermik atuiffiusuni najugaqaraanni.

Kinguaassiutitigut nakuusernerit ilaqutariit iluani imaluunniit avataaneersunit pisarput. Innarliisoq ilisarisimanngisaasinnaavoq, ilisarisimasaasinnaavoq imaluunniit ilaqutariit akornanniittuusinnaavoq. Innarliisartoq angutaasinnaavoq, arnaasinnaavoq, inuusuttuaraasinnaavoq imaluunniit meeraasinnaalluni.

Niviarsiaqqat nukappiaqqallu kinguaassiutitigut nakuuserfigineqartarput.

Kinguaassiutinik nakuusernerit sumiluunniit pisinnaapput. Angerlarsimaffinni, atuarfinni, meeqqanik paaqqinnittarfinni, peqatigiiffinni (timersornikkut), internettikkut allarpassuarnilu meeraqarfiusuni inuusuttuaraqarfiusunilu.

Kinguaassiutitigut nakuusernerit illoqarfinni nunaqarfinnilu pisinnaapput.

Kinguaassiutitigut nakuusertarnerit, illoqarfimminngaaneeraluaruit nunaqarfimminngaaneeraluaruilluunniit, arnaanguit angutaanguilluunniit, aamma suliannut tunngatillugu pisamik suliaqartuunguit suliaqanngikkaluaruilluunniit, pinaveersaartitsinissaq pingaartuuvoq.

Meeqqanut Inuusuttuaqqanullu

Kinguaassiutitigut killissamik qaangiiffigineqarnikuuviit imaluunniit nalunngisaqarpiit killissamik qaangiiffigineqarsimasumik? 0- 18-nillu akornanni …

Atuaruk...

Atuaruk...

Ilinniarsimasunut

Meeqqat inuusuttuaqqallu atugarissaarnissaat tamatta akisussaaffigaarput. Kalaallit Nunaanni kisitsisitigut nalunaarsuinerit takutippaat nukappiaqqat …

Atuaruk...
Login