Kalaallit Nunaanni kinguaassiutitigut killissamik qaangiifiginninnermik innarliisarnerit

Ukiorpassuarni Kalaallit Nunaanni kinguaassiutitigut killissamik qaangiiffigitinneq imatut oqallisigineqarneq ajorsimapput. Aatsaalli 1980-ikkut naajartornerini kinguaassiutitigut innarliisarnerit politiinut nalunaarutigineqartartut amerliartulersimapput. Tamatuma kingorna pisaq pillugu erseqqarissumik tamanit oqallisineqartalerpoq, piffissallu ingerlanerani meeqqanik inuusuttuaqqanillu kinguaassiutitigut innarliisarnernik pinaveersaartitsinermik suliaqarneq annertuumik Kalaallit Nunaanni ingerlanneqarsimalluni.

 

Meeqqat inuusuttuaqqallu atugarissaarnerannik misissuineq:

2004-mi Kalaallit Nunaanni inuusuttuaqqanik 15–18-nik ukiulinnik 508-nik misissuisoqarpoq. Misissuinerullu takutippaa inuusuttuaqqanit 147-sunit 79-it suli 15-niliineqaratik 15-niliinikumik kinguaassiutitigut atoqateqarnermik misilittagaqartut. Teknikkikkut ajornartorsiuteqarsimaneq peqqutaalluni inuusuttuaqqanik akissutit taamaallaat 147 takuneqarsinnaapput, tassalu apersorneqartunit 52% imminnit utoqqaanerusunik kinguaassiutitigut atoqateqarsimanermik misilittagaqartut. 79-iusunit 35-it kinguaassiutitigut innarliinertut misigisimavaat imaluunniit 12-it ataallugit ukioqarsimapput. Tassalu 44%-ii.

Misissuisimaneq pillugu uani atuarneqarsinnaavoq: http://naalakkersuisut.gl/kl-GL/Publications/2004

2012-mi assingusumik misissuisoqarpoq, tassani inuusuttuaqqat 15-inik ukiullit 481-t misissuiffigineqarmata, taassumalu takutippaa nukappiaqqat quliugaangata (10) ataaseq (1) niviarsiaqqallu pingasuugaangata (3) ataaseq (1) ilutiminnit imaluunniit inersimasumit kinguaassiutitigut innarlerneqartartut. Procentinngorlugu 41,4 %-iuvoq, tamannalu isumaqarpoq 2004-mi misissuisimanermut naleqqiullugu kisitsisit allanngorsimanngitsut.

Misissuisimaneq pillugu uani atuarneqarsinnaavoq: http://naalakkersuisut.gl/kl-GL/Publications/2011

 

Inunnik misissuineq:

1993-94-mi inunnik misissuinerit takutippaat arnat 13%-ii angutillu 4%-ii meeraallutik (13 ataallugit ukioqarlutik) kinguaassiutitigut innarlisaarfigineqarnermik misigisaqarsimasut.

2005–2007-mut assinganik inunnik misissuinerit takutippaat arnat 31%-ii angutillu 10%-ii meeraanerminni kinguaassiutitigut innarlisaarfigineqarsimaneq misigisimagaat. Kisitsit marloriaatinngorsimavoq.

Misissuisimaneq pillugu uani atuarneqarsinnaavoq: http://www.si-folkesundhed.dk/Udgivelser/B%C3%B8ger%20og%20rapporter/2008/Befolkn.unders%C3%B8gelsen.Gl.aspx

 

2012-mi oqarasuaat atorlugu meeqqanik kinguaassiutitigut innarliisarnernut tunngatillugu inuit ilisimasaat isumaallu pillugit misissuisoqarpoq (baselineundersøgelse). Inuit 699-t apersorneqarput. Misissuinerup takutippaa apersorneqartut 67 %-ii meeraallutik kinguaassiutitigut innarlerneqarsimasunik nalunngisaqartut. 25 %-iilu nammineq kinguaassiutitigut innarlerneqarnikuusimallutik, kiisalu 20 %-ii suli 15-niliinikuunatik innarlerneqarnikuusimallutik.

Misissuisimaneq pillugu uani atuarneqarsinnaavoq: www.mibb.gl

Misissuineruttaaq takutippaa 29 %-ii meeqqamik kinguaassiutitigut innarlerneqarsimasumik pasitsaassaqarnikuusut. Sisamaasunit pingasut pasitsaassaqarsimanertik allamut oqaluttuarisimavaat. Affaasa ulluinnarni attaveqarfigisartakkaminnut, affaasalu oqartussaasunut nalunaarutigisimallugit. Nalunaarutiginnittuussanerit pillugu uani paasisaqarnerusinnaavutit: http://10.206.70.59/om-seksuelle-overgreb/underretningspligt/?lang=kl

Misisuinerup takutippaa qeerleraasarneq amerlasuunut killissamik qaangiinerusartoq. Taamatut isumaqarneq annerusumik tusarsaavoq inunni ulluinnarni meeqqanik inuusuttuaqqanillu suliaqartunit. Erseqqarinnerpaallunilu arnat akornanni, takkulu akornanni erseqqarinnerpaavoq namminneq kinguaassiutitigut innarlerneqarsimanermik ilisimasalinnit.

Meeqqanut Inuusuttuaqqanullu

Kinguaassiutitigut killissamik qaangiiffigineqarnikuuviit imaluunniit nalunngisaqarpiit killissamik qaangiiffigineqarsimasumik? 0- 18-nillu akornanni …

Atuaruk...

Atuaruk...

Ilinniarsimasunut

Meeqqat inuusuttuaqqallu atugarissaarnissaat tamatta akisussaaffigaarput. Kalaallit Nunaanni kisitsisitigut nalunaarsuinerit takutippaat nukappiaqqat …

Atuaruk...
Login