Nalunaaruteqartussaatitaaneq

Kikkut tamarmik nalunaruteqartussaatitaapput. Illit nalunaaruteqartussaatitaavutit.

Isumaqarporlu, nalunngisaqaruit meeqqat inuusuttuaqqallu atugarissaarnerat ulorianartorsiortoq pisussaatitaavutit ikiuissallutit. Kinguaassiutitigut innarliinerusimasinnaavoq. Ilisimasaqarnerit qullersanut nalunaarutigigukku meeqqat ikiussavatit.

Nalunaaruteqartussaatitaanerit malinngikkukku suliffinnik paarsinerlunnermik nalilerneqassaaq, pinerluttulerinermilu inatsit malillugu pineqaatissinneqarsinnaavutit.

Meeqqanik inuusuttunillu ikiorsiisarneq pillugu Inatsisartut peqqussutaat nr. 1, 15. april 2003-meersoq § 5-mi allaqqavoq, kinaluunniit meeqqamik peqqissutsimigut ineriartornermigulluunniit navianartorsiortinneqarluni atugaqartinneqartumik paasisaqaruni kommunimut nalunaaruteqarnissaminik pisussaaffeqarpoq.

Meeqqanik inuusuttunillu ikiorsiisarneq pillugu Inatsisartut peqqussutaat nr. 1, 15. april 2003-meersoq § 5, stk. 2-mi allaqqavoq, inuit isumaginnittoqarfimmi, atuarfeqarfimmi imaluunniit peqqinnissaqarfimmi atorfeqartut meeqqamik ikiorneqarnissamik pisariaqartitsisumik paasisaqarunik kommunimut nalunaaruteqarnissaminnik sukannersumik pisussaaffeqarput. Taamatuttaaq inuit qinigaasimanertik tunngavigalugu suliaqartut nalunaaruteqarnissaminnik sukannernerusumik pisussaaffeqarput. Tamanna isumaqarpoq illit ulluinnarni suliffinni meeqqanik inuusuttuaqqanillu suliaqartuusutit pinngitsoornak meeqqamik peqqissutsikkut ineriartornermigulluunniit navianartorsiortumik paasisaqaruit, imaluunniit pasitsaassaqaruit nalunaaruteqarnissannik.

Eqqasuutit pillugu ittorisat oqaloqatigiuk. Ataatsimoorlusilu aaliangissavarsi susoqassanersoq.

Pitsaajuaannarpoq eqqasuutisi pillugit meeqqamik isumasiginnittut oqaloqatigigussigit. Suleqatigiilluarnikkut ikioqatigiinnikullu meeraq ilaqutaalu ikiorluarneqarsinnaapput.

Eqqamallugu: Angajoqqaat pasineqarpata pasitsaassat ilisimasalluunniit pillugit oqaloqatigissannginnakkit.

Suliffinnut tunngatillu nipangiussisussaatitaaviit, tamannalu unioqqutinnissaa ernummassutigaajuuk, taava eqqaamassavat meeqqamik inuusuttuaqqamilluunniit siulliutitsinissat. Tamanna isumaqarpoq nalunaaruteqartussaatitaanerit nipangiussisussaatitaaninnit naallerneqassanngimmat. Taamaattorli paasissutissat ingerlateqqitatit meeqqap peqqinneranut ineriartorneranulllu pingaaruteqarmata pisariaqavissapput.

Nalunaarutit ukuninnga imaqassaaq:

  • Meeqqap atia inuttullu normua
  • Paasissutissat meeqqamut tunngasut
  • Sooq nalunaaruteqarnersutit
  • Meeqqap ineriartorneranut paasissutissat
  • Angajoqqaavinik suleqateqarneq
  • Meeqqap nammineq oqaatigisai
  • Meeqqap qanoq atugarissaartigineranut tunngasunik paasissutissat
  • Paasissutissat allat pineqartumut tunngasut

Meeqqanut Inuusuttuaqqanullu

Kinguaassiutitigut killissamik qaangiiffigineqarnikuuviit imaluunniit nalunngisaqarpiit killissamik qaangiiffigineqarsimasumik? 0- 18-nillu akornanni …

Atuaruk...

Atuaruk...

Ilinniarsimasunut

Meeqqat inuusuttuaqqallu atugarissaarnissaat tamatta akisussaaffigaarput. Kalaallit Nunaanni kisitsisitigut nalunaarsuinerit takutippaat nukappiaqqat …

Atuaruk...
Login