Kiap meeqqat inuusuttuaqqallu Saaffimmut innersuussinnaavai?

Kommuunimi isumaginninermik suliallit, peqqinnissaqarfik politiilluunniit meeqqat inuusuttuaqqallu Saffik-mit misissorneqarnissaat innersuussutigisinnaavaat.

Meeqqat, inuusuttuaqqat, angajoqqaat meeqqanik inuusuttuaqqanillu suliamik ilinniarsimasumut, taamatuttaaq Saaffimmut qanoq ikiorneqarnissamik periarfissaqarnersoq siunnersortinniarlutik saaffiginnissinnaapput.

Saaffiup nuna tamakkerlugu annerusumik kommunit sumiiffimmi upalungaarsimanissamut atortussanik sananissamik ikiuisarluni, kinguaassiutitigut killissamik qaangiiffiginnittoqarsimatillugu iliuuseqartarlutik, kiisalu suliassaqartillugu siunnersuisarlutik.

Saaffik pikkorissartitsinermut oqallinnissamullu neqerooruteqartarpoq immikkut ilinniarsimasunut, meeqqannik inuusuttuaqqanillu ulluinnarni qanimut suliaqartunut.

 

Meeqqat inuusuttuaqqallu 0–18-inik ukiullit

Saaffimmi meeqqat inuusuttuaqqallu pisariaqartitaat aallaavigisarparput. Tamanna isumaqarpoq soorlu kinguaassiutitigut innarliisoqarsimatillugu misissuinerit katsorsaanerillu sapinngisamik Saaffimmi pinissaat ingerlanniarneqartarpoq.

Meeqqat inuusuttuaqqallu Saaffimmi politiit video ikiorsiullugu apersorneqareeraangata, imaluunniit eqqartuussivimmi ilisimasalittut apersorneqareerpata Saaffiup meeraq/inuusuttuaraq angajoqqaavilu kiisalu isumaginninnermik suliallit ataatsimeeqatigeqqaarnissaannut aggersartarpai, tassanilu meeqqap/inuussuttuaqqap Saaffimmi oqaloqateqartarnissaanut periarfissat suunersut saqqummiuttarlugit.

 

Angajoqqaat/ilaqutaasut

Saaffimmi ilaqutaasunut siunnersuineq tapersersuutaasumillu oqaloqateqarsinnaaneq neqeroorutigineqartarpoq. Siunnersuinerit oqaloqatiginninnerillu siunertarivaat, meeqqanut inuusuttuaqqanulluunniit kinguaassiutitigut killissamik qaangiiffigineqarsimasunut angajoqqaajusut meeqqamik killissamik qaangiiffigineqarnermik kingorna pitsaasumik tapersersuinissaannik siunnersuinissaannut. Meeqqanut inuusuttuaqqanullu pingaaruteqartorujussuuvoq angajoqqaat meeqqamik ineriartorneranni peqataanissaat.

 

Suliamik ilinniarsimasoq

Saaffiup suliamik ilinniarsimasoq meeqqanik inuusuttuaqqanillu 0-18 ukiulinnik neqeroorutigaa kinguaassiutitigut innarliisoqarsimatillugu suliassaqaleraangat oqaloqateqarnerlu.

Saaffiup nuna tamakkerlugu annerusumik kommunit sumiiffimmi upalungaarsimanissamut atortussanik sananissamik ikiuisarluni, kinguaassiutitigut killissamik qaangiiffiginnittoqarsimatillugu iliuuseqartarlutik, kiisalu suliaasaqartillugu ilitsersuineq siunnersuinerlu.

 

Meeqqanut Inuusuttuaqqanullu

Kinguaassiutitigut killissamik qaangiiffigineqarnikuuviit imaluunniit nalunngisaqarpiit killissamik qaangiiffigineqarsimasumik? 0- 18-nillu akornanni …

Atuaruk...

Atuaruk...

Ilinniarsimasunut

Meeqqat inuusuttuaqqallu atugarissaarnissaat tamatta akisussaaffigaarput. Kalaallit Nunaanni kisitsisitigut nalunaarsuinerit takutippaat nukappiaqqat …

Atuaruk...
Login