Saaffik qanoq suleriaaseqarpa?

Saaffik meeqqat illuisa ilusaattut atuuppoq, tassa periuseq saaffiginniffik ataaseq malillugu. Periuserlu imaappoq, meeraq inuusuttuaralluunniit kinguaassiutitigut killissamik qaangiiffigineqarsimappat imaluunniit pasitsaassaqartoqarpat – saaffiginniffissap ataasituaanissaanik eqqortumillu siunnersorneqarlunilu katsorsarneqassaaq.

Saaffik meeqqamik inuusuttuaqqamilluunniit kinguaassiutitigut killissamik qaangiiffiginninneqarneranik ilisimannileruni, immikkut ilisimasallit (peqqinnissaqarfik, isumaginninnermik sullissisut, politiit Saaffillu) attavigineqassapput ataatsimullu katersorlugit, tassanilu assigiinngitsunik suliallit eqqartussavaat meeqqap inuusuttuaqqalluunniit eqqugaasup qanoq ikiorneqarnissaa. Tamannalu Saaffiup taasarpaa isumasioqatigiilluni ataatsimiinneq.

Saaffiup nuna tamakkerlugu annerusumik kommunit sumiiffimmi upalungaarsimanissamut atortussanik sananissamik ikiuisarluni, kinguaassiutitigut killissamik qaangiiffiginnittoqarsimatillugu iliuuseqartarlutik, kiisalu suliassaqartillugu siunnersuisarlutik.

 

Saaffimmi suliakkiissut 4-ngorlugu aggorneqarsinnaavoq:

1. Aallartisarneq-piaeersaanerlu

Suliakkiisut imaluunniit saaffiginnissut meeraq inuusuttuaralluunniit kinguaasiutitigut killissamik qaangiiffigitissimasoq pillugu kommuniniit, politiniit, peqqinnissaqarfimmiit, imaluunniit qanigisat nammineerlutik Saaffimmut saaffiginninnissinnaaput. Saaffiginninnerup kingorna Saaffiup Isumasiuqatigiisitaalia ataatsimiinissaanut qaaqqusissaaq. Isumasiuqatigiisitaliamut ilaasortaapput politiniit, inunnik isumaginnittoqarfimmiit, peqqinnissaqarfimmiit Saaffimmilu sulisut.

 2. Siunnersuinermi ikiuineq

Suliakkiisutit imaluunnit pasitsaasoqartillugu qularnartoqarpat Isumasiuqatiisitami ilaasortat Saaffik attavigisinnaavat suliakkiisut nalilertillugu. Saaffik meeqqanut inuusuttuaqqanullu kinguaasiutitigut killissamik qaangiiffitisisimasunut siunersuisarfiuvoq ilitsersuisarfiutigaluni. Meeqqanik inuusuttuaqqanillu ulluinnarmi sullissisunut siunnersortinnissaminut ikiortinnissaminullu saaffiginninissinnaapput sianerlutik imaaluunniit mailikkut.

 3. Nassuiaasineq-misissuinerlu

Suliakkiisut Isumasiuqatigiisitap ataatsimiinermini innersuusuta Saaffik pilersaarusiussaava ataqatigiissaarlugulu, soorlu video-kut apersuisoqassava, pinerlussimasoqartillugu nakorsaq misissuissava imaluunniit meeraq angajoqqaallu Saaffimmut ataatsimiinissamut qaaqquneqassappat.

 4. Katsorsaaneq

Meeraq inuusuttuaralluuniit Saaffimmi katsorsanneqarnissaminut aallartissappat katsorsaaneq ullunik piffissamillu aalajangersimasumik ingerlanneqartassaaq, angajoqqaat imaluunniit meeqqamut isumaginnittoq meeraq Saaffimmukaallugu aaneqartassaaq. Oqaloqatigiinnerit inini meeqqanut tulluarsakkanut ingerlanneqartarput.

 

image004_kl.jpg

Meeqqanut Inuusuttuaqqanullu

Kinguaassiutitigut killissamik qaangiiffigineqarnikuuviit imaluunniit nalunngisaqarpiit killissamik qaangiiffigineqarsimasumik? 0- 18-nillu akornanni …

Atuaruk...

Atuaruk...

Ilinniarsimasunut

Meeqqat inuusuttuaqqallu atugarissaarnissaat tamatta akisussaaffigaarput. Kalaallit Nunaanni kisitsisitigut nalunaarsuinerit takutippaat nukappiaqqat …

Atuaruk...
Login